Хусусийлаштирилиши керак бўлган 2000 та давлат мулки объекти бўйича махсус қарор қабул қилинган. Бу мутлақо бошқа шартларни яратади. Бугунги кунда биз бунинг устидан ишлашни бошладик.

Хусусийлаштириш осон деб ўйлайсизми? Хусусийлаштириш – бу жуда мураккаб жараён. Биринчидан баҳолаш. Иккинчидан, хусусийлаштириш натижасида мулк талон-тарож бўлиб кетиши мумкин эмас. Сўнг, хусусийлаштириш айнан шу корхоналарнинг қулашига олиб келмаслиги керак, шунда йирик корхоналар тўсатдан тўхтаб қолиши ва минглаб ишсизлар пайдо бўлиши, натижада эса, совет замонидаги йирик комбинатлар қайсики ушбу ижтимоий объектлар тўсатдан йўқ бўлиб кетишига йўл қўймаслигимиз керак.

Шунинг учун, ҳозирда 2 та вазифа мавжуд. Биринчидан, хусусийлаштириши қийин бўлган йирик корхоналарни модернизация қилиш. Уларнинг капитали ва акциялари, ким сотиб олади, ваучерлар ишламайди. Буни иқтисодиётда маркетизация деб номланган усулда бажариш керак, яъни уларнинг фаолияти бозор шароитларига имкон қадар яқинроқ бўлган усулда. Имтиёзли кредитлар бўлмайди, аудит ва ҳисобот тизими халқаро стандартларга яқинлашади ва шундай қилиб, улар тенг ҳуқуқли бозор ўйинчиларига айланади.

Машҳур венгриялик иқтисодчи Янош Корнаи имтиёзли кредит сиёсати атамасини яратди. Бунда давлат корхоналари кредитларни ҳеч қандай чекловларсиз олади ва охир-оқибатда бу уларни ўлдиради. Чунки, ҳеч қандай рағбат ва мотивация йўқ бўлиб, мукаммаллик йўқолади. Бу масаланинг бир томони лекин, айрим корхоналар борки, уларни маркетлаштириш шарт эмас балки, тўғридан-тўғри хусусийлаштириш мумкин ва улар хусусийлаштирилади.

Ҳозирда Cоcа-Cоlанинг табиий савдолар жараёни олиб борилмоқда. Айтганча, бозор бу савдо демакдир. Буни ҳеч қандай ажабланадиган жиҳати йўқ, майлин савдолашишсин. Бу албатта Сенат назорати остида бўлади. Биз хусусийлаштиришнинг барча жараёнларини диққат билан кузатиб борамиз. Мен май ойида бир қанча қўмиталаримиз ва Давлат активларни бошқариш агентлиги ҳамда Монополияга қарши курашиш қўмитаси билан биргаликда ўтган йил охирида Президент томонидан 2000 та корхонани (жумладан у ерда банклар ҳам бор) хусусийлаштириш бўйича белгиланган вазифаларни бажариш жараёнини кўриб чиқишни режалаштиряпман. Албатта, хусусийлаштириш жараёнлари тез амалга ошса яхши бўлар эди, лекин хусусийлаштириш тез бўлмайди. Агарда тез қилинса рисоладагидек бўлмаслиги мумкин. Бу нафақат иқтисодий балки ижтимоий муаммо ҳамдир. Бунга жиддий ёндашиш керак.

Тўлиқ видео: https://www.youtube.com/watch?v=TyurHDAqf2w 

Alter Ego видеоси: https://m.youtube.com/watch?v=0S3nC73ptOs