Нурафшон туманлараро иқтисодий судининг 2026 йил 16 февралдаги 4-1103-2501/6711-сонли ҳал қилув қарори билан Чиноз туманидаги “GG IRON CONSTRUCT” масъулияти чекланган жамияти (СТИР 309924164) умумий таомил бўйича тўловга қобилиятсиз деб топилган ва унга нисбатан тугатишга доир иш юритиш бошланган ҳамда  тугатиш бошқарувчи этиб Б.Арифходжаев тайинланган.

Кредиторлар томонидан қўйиладиган барча талаблар бир ой муддат ичида қуйидаги почта манзилда қабул қилинади:  Жиззах вилояти, Жиззах шаҳри, Қассоблик маҳалласи 5/1-уй, 26-хонадон. Мурожаат учун тел.: (+998 77) 401-30-03.

Мазкур қарздорнинг навбатдаги кредиторлар йиғилиши 2026 йил 30 марть куни соат 10-00 да (агар йиғилиш ўтказилмаган деб ҳисобланиб қолдирилса такрорий йиғилиш 2026 йил 8 апрель куни соат 10-00 да) Тошкент вилояти, Нурафшон шаҳри, Янги Нурафшон кўчаси манзилидаги Тошкент вилоят солиқ бошқармасининг маъмурий биносида бўлиб ўтади.

Кун тартибида:

1.Кредиторлар йиғилиши раисини сайлаш тўғрисида.

2.Тугатиш бошқарувчининг оралиқ ҳисоботи.

3.Кредиторлар талаблари реестрининг юритилиши тўғрисида.

4.Тугатиш бошқарувчига ҳақ тўлаш миқдорини белгилаш.

5.Тугатиш режаси ва харажатлар сметаси билан келишиш тўғрисида.

6.Бошқа масалалар.

Йиғилишга кредиторлар ва унинг вакиллари томонидан шахсни ҳамда қарздорликни тасдиқловчи ҳужжатлар, шунингдек йиғилиш иштирокчиси ваколатларини тасдиқловчи ишончнома билан келиш  сўралади.

Мазкур хўжалик юритувчи субъектнинг бурчак тамғаси ва юмалоқ муҳри эълон чоп этилган кундан бошлаб 3 (уч) кун ичида тугатиш бошқарувчига топширилмаган тақдирда йўқолган деб топилиб, бекор қилинган ҳисобланади.