Давлат активларини бошқариш агентлиги ҳузуридаги Бўш турган объектлардан самарали фойдаланишни ташкил этиш маркази томонидан аукцион савдоларига чиқарилган республика ҳудудидаги умумий майдони 13 019 кв.м. бўлган 57 та бўш турган давлат мулки объектлари бўйича 964,0 млн. сўм йиллик ижара тўлови эвазига аукцион савдо ғолиблари аниқланди.
Жумладан, ҳафта давомида ўтказилган аукцион савдоларида Тошкент шаҳридаги объект йиллик ижара тўлови 34,6 млн.сўмдан 105,1 млн.сўмга етганида савдо ғолиби аниқланди. Аукцион ғолиби 12 ой муддатга “Олий ва ўрта таълим бўйича кадрларни тайёрлаш (шу жумладан ўқув курслари)” фаолиятини ташкил этиш имкониятини қўлга киритди.
Хоразм вилояти, Янгиариқ туманидаги объект йиллик ижара тўлови 2,3 млн. сўмдан 20,1 млн.сўмга етганида савдо ғолиби аниқланди. Аукцион ғолиби 12 ой муддатга “Хизмат кўрсатиш” фаолиятини ташкил этиш имкониятини қўлга киритди.
Қашқадарё вилояти, Шахрисабз шахридаги объект йиллик ижара тўлови 1,7 млн. сўмдан 15,2 млн.сўмга етганида савдо ғолиби аниқланди. Аукцион ғолиби 12 ой муддатга “савдо сотиқ” фаолиятини ташкил этиш имкониятини қўлга киритди.
Эндиликда сиз ижарага таклиф этилаётган шу каби давлат мулки объектлари рўйхати билан қуйидаги ҳаволалар орқали 3 та (ўзбек, рус, инглиз) тилларида танишишингиз мумкин: http://privatization.davaktiv.uz, http://e-auksion.uz
