Давлат активларини бошқариш агентлиги ҳузуридаги Бўш турган объектлардан самарали фойдаланишни ташкил этиш маркази томонидан аукцион савдоларига чиқарилган республика ҳудудидаги умумий майдони 1 952 кв.м. бўлган 17 та бўш турган давлат мулки объектлари бўйича 322,8 млн. сўм йиллик ижара тўлови эвазига аукцион ғолиблари аниқланди.
Жумладан, Хоразм вилояти, Янгиариқ туманидаги объект йиллик ижара тўлови 2,3 млн. сўмдан 20,1 млн.сўмга етганида ғолиб аниқланди. Аукцион ғолиби 12 ой муддатга “Хизмат кўрсатиш” фаолиятини ташкил этиш имкониятини қўлга киритди.
Шунингдек, Тошкент шаҳридаги кўчмас мулк объекти учун йиллик ижара тўлови 70,7 млн.сўмдан 191,1 млн.сўмга етганда аукцион савдоси ғолиби аниқланди. Аукцион ғолиби 12 ой муддатга “Олий ва ўрта таълим бўйича кадрларни тайёрлаш (шу жумладан ўқув курслари)” фаолиятини ташкил этиш имкониятини қўлга киритди.
Эндиликда сиз ижарага таклиф этилаётган шу каби давлат мулки объектлари рўйхати билан қуйидаги ҳаволалар орқали 3 та тилда (ўзбек, рус, инглиз) танишишингиз мумкин: http://privatization.davaktiv.uz, http://e-auksion.uz
