Аукцион савдоларида республика ҳудудидаги умумий майдони 11 920 кв.м. бўлган 63 та бўш турган давлат мулки объектининг ғолиблари аниқланди. Ижара тўлови нархи йилига 2,0 млрд. сўмни ташкил этади.
Жумладан, Тошкент шаҳри, Олмазор туманидаги объект йиллик ижара тўлови 68,0 млн. сўмдан 326,6 млн. сўмга етганида савдо ғолиби аниқланди. Ғолиб 12 ой муддатга умумий овқатланиш фаолиятини ташкил этиш имкониятини қўлга киритди.
Тошкент шаҳри, Учтепа туманидаги кўчмас мулк объекти учун йиллик ижара тўлови 14,8 млн.сўмдан 120,4 млн.сўмга етганида савдо якунланди. Аукцион ғолиби 12 ой муддатга аҳолига тиббий хизмат кўрсатади.
Шунингдек, Тошкент шаҳри, Шайхонтоҳур туманидаги кўчмас мулк объекти учун йиллик ижара тўлови 10,8 млн.сўмдан 106,7 млн.сўмга етганида ғолиб аниқланди. Аукцион ғолиби 1 йил муддатга умумий овқатланиш фаолиятини ташкил этади.
Эндиликда сиз ижарага таклиф этилаётган шу каби давлат мулки объектлари рўйхати билан қуйидаги ҳавола орқали танишишингиз мумкин: https://davaktiv.uz/uz/rent.
