Давлат активларини бошқариш агентлигида “9 декабрь – Xалқаро коррупцияга қарши курашиш куни” муносабати билан “Биз - коррупция ва унинг келтириб чиқариш сабабларига қарши бирга курашамиз” бош шиори остида “Ўзбекистон Республикасида коррупцияга қарши кураш соҳасида амалга оширилаётган ислоҳотлар ва Коррупцияга қарши курашаш агентилигининг шу соҳадаги ваколатлари” тўғрисида маълумот олиш мақсадида Агентликнинг Коррупциянинг олдини олиш ва “комплаенс-назорат” тизимини жорий этиш бошқармаси етакчи инспектори Самандарова Нодира Керимбаевна иштирокида семинар бўлиб ўтди.
Семинарда Ўзбекистон Республикасининг коррупцияга қарши курашиш соҳасида бир қатор халқаро ташкилотлар билан амалга оширилган ҳамкорлик, халқаро рейтинглар, коррупцияга қарши кураш борасида иқтисодий ривожланган давлатлар тажрибаси ва самарали бошқарув, мутаносиблик, шаффофлик ва барқарорлик принциплари ҳақида сўз олиб борилди.
Шу ўринда, Давлат активларини бошқариш агентлиги томонидан “Биз-коррупция ва унинг келтириб чиқариш сабабларига қарши бирга курашамиз” бош шиор остида бир қатор ишлар амалга оширилганлиги тўғрисида тўхталиб ўтилди.
Давлат хизматларини кўрсатишда бюрократизм, сансалорлик ва бошқа маъмурий тўсиқларни бартараф этиш, эскирган ва замон талабларига мос келмайдиган тартиб-таомилларни тубдан қисқартиришга қаратилган ишлар борасида, Давактив агентлиги томонидан кўрсатилаётган жами 14 турдаги давлат хизматларидан бугунги кунга келиб 13 таси тўлиқ рақамлаштирилганлиги таъкидланди.
Шунингдек, Норматив-ҳуқуқий ҳужжатларнинг ва улар лойиҳаларининг коррупцияга қарши экспертизадан ўтказиш бўйича 2023 йилнинг июнь ойида Адлия вазирлигига киритилган норматив-ҳуқуқий ҳужжатлар лойиҳаларнинг “коррупциядан холи қонунчилик” тамойили асосида ишлаб чиқилганлиги таҳлил қилиниб, Давактив агентлигининг коррупцияга қарши экспертизани амалга ошириш соҳасидаги фаолияти 54 та вазирлик ва идоралар кесимида 88 фоиз натижа билан аъло баҳоланганлиги эслатиб ўтилди.
Тадбир давомида Давактив агентлиги ходимлари ўзининг қизиқтирган саволлари билан қизғин иштирок этиб, саволларга аниқ мисоллар орқали жавоблар олинди.
