Тошкент вилояти, Оҳангарон туманидаги бошланғич нархи 1 сўм бўлган "Орзу" дам олиш маскани жорий йилнинг 3 февраль куни ўтказилган онлайн аукцион натижасида 339 млн.сўмга сотилди (https://e-auksion.uz/auction-result?10&lots_id=409634).
Ушбу давлат активи учун ўтказилган онлайн савдода 3 нафар иштирокчи ўртасида қизғин кураш бориб, қарийб 9 соат давом этган савдода ғолиб аниқланди.
Ушбу давлат кўчмас мулк объектини сотиб олган иштирокчи 24 ой давомида 4 млрд.сўм инвестиция киритиш, камида 30 та янги иш ўринларини яратиш ҳамда дам олиш маскани фаолиятини ташкил этиш мажбуриятини қабул қилиб олди.
Маълумот учун, Оҳангарон туманининг Кўксарой маҳалла фуқаролар йиғини ҳудудида жойлашган дам олиш маскани 4,55 гектар ер майдонига эга.
