Ўзбекистон Республикаси Президентининг 2021 йил 11 февралдаги ПФ-6167-сон ҳамда 2021 йил 30 июлдаги ПФ-6273-сон Фармонларига мувофиқ, «Бектемир спирт экспериментал заводи» АЖ устав капиталидаги 51 фоиз акция пакетлари сотилиши белгиланган (кейинги ўринларда - Битим).
Ўзбекистон Республикаси Давлат активларини бошқариш агентлиги (кейинги ўринларда - Сотувчи) «Бектемир спирт экспериментал заводи» АЖни (кейинги ўринларда - Актив) хусусийлаштириш бўйича Консультантларни танлаб олиш юзасидан танлов эълон қилади.
Сотиш жараёнлари Ўзбекистон Республикаси қонунчилик талабларига доирасида, энг яхши жаҳон тажрибасидан, шунингдек Активнинг соҳавий ва индивидуал хусусиятидан келиб чиқиб ташкил этилиши лозим.
Мазкур Битим доирасида хусусийлаштириш бўйича Консультантнинг ишлар ҳажми қуйидаги ҳаволада (RfP) келтирилган. Консультантлар талаб этилган иш ҳажмини тўлиқ бажариш учун консорциумга бирикишлари ёки биргаликда қўшма таклифлар тақдим этишлари мумкин.
Барча қизиқиш билдирган талабгорлардан 2022 йил 21 февраль куни соат 18-00 дан (Тошкент вақти билан) кечиктирмай эълон қилинган Таклиф тақдим этиш учун сўровномаларга (RFP) асосан тижорат таклифларини қуйидаги алоқа каналларига тақдим этишлари сўралади:
Жон Насиров, Давлат активларини бошқариш агентлиги Йирик давлат активларини трансформация қилиш ва хусусийлаштириш департаменти бошлиғи; тел.: +998-71-259-21-30; эл.почта: j.nasirov@davaktiv.uz;
Шохрух Охунов, Давлат активларини бошқариш агентлиги Мувофиқлашган ҳаракатни таъминлаш департаменти бошлиғи; тел.: +998-71-259-21-87; эл.почта: cooperation@davaktiv.uz.
