Қашқадарё вилояти, Муборак туманидаги бошланғич нархи 1 сўмлик давлат активи учун савдолар қизғин курашлар остида кечди. 7 нафар иштирокчи ўртасида ўтказилган аукцион савдосида мулк учун 537 млн.сўм нарх тасдиқланди. Аукцион ғолибига 24 ой давомида 600 млн.сўм миқдорида инвестиция киритиш ҳамда камида 10 та янги иш ўринларини яратиш мажбурияти юклатилади. Ушбу давлат активи сотиб олган иштирокчи фаолият йўналишини сақлаб қолиш талаб этилмайди.
Маълумот учун, бўш турган "Бўстон" механизациялашган машина трактор паркининг бино ва иншоотлари 2,94 гектар ер майдонига эга бўлиб, биноларнинг умумий майдони 1691,36 кв.м.ни ташкил этади.
