Аввалги ахборотга мувофиқ,
Ўзбекистон Республикаси Давлат активларини бошқариш агентлиги (Давактив агентлиги), “Deloitte” компанияси ва Халқаро молия корпорациясининг ҳамда хусусийлаштириш жараёнининг мажбуриятга эга бўлган таклифларни (BO) қабул қилиш босқичида иштирок этаётган талабгорларни мурожаатларига мувофиқ “Фарғонаазот” АЖ устав капиталидаги 99,02 фоиз акциялар пакетини хусусийлаштириш жараёнининг мажбуриятга эга бўлган таклифларни (BO) тақдим этиш муддатини 2022 йил 17 ноябрь куни соат 23:59 га (Тошкент вақти билан) қадар узайтирилганлигини маълум қилади.
Давактив агентлиги ушбу мажбуриятга эга бўлган таклифларни (BO) қабул қилиш муддатининг узайтирилганлиги, барча талабгорларга “Фарғонаазот” АЖ бўйича ҳужжатларни чуққуроқ ўрганишга ва жараён иштирокида малакавий тайёрланишга имконият яратишга, шунингдек сотиш жараёнларини янада шаффоф ва рақобат муҳитида ўтказишга қаратилган.
Давактив агентлиги жалб этилган консультантлар билан ҳамкорликда мажбуриятга эга бўлган таклифларни (BO) қабул қилиш жараёнида иштирок этаётган барча талабгорлар билан келгусидаги конструктив ҳамкорликка ишонч билдиради.
