Давлат активларини бошқариш агентлигининг 2022 йил 22 сентябрдаги эълонига мувофиқ талабгорлардан “E-auksion” электрон савдо платформаси орқали электрон кўринишда таклифлар қабул қилинган.
Шунга кўра, жорий йилнинг 13 октябрь куни соат 16:00да Давактив агентлиги биносида давлат активлари бўйича савдо жараёнларининг иккинчи босқичидаги талабгорларнинг ҳамда савдоларнинг биринчи босқичида кўриб чиқиш учун етарли таклиф шаклланган давлат активлари бўйича талабгорларнинг электрон кўринишдаги таклифлари очилади.
Ушбу жараёнга Давлат тендер комиссияси аъзолари, талабгорлар ва оммавий ахборот воситалари вакиллари таклиф этилади, шунингдек шахсан қатнаша олмайдиган талабгорлар учун видеоконференц алоқа воситаси орқали иштирок этиш имконияти яратилади (видеоконференц алоқа ҳаволаси).
Ишчи орган ўз ҳисоботини тайёрлаб, Давлат тендер комиссиясига кўриб чиқиш учун тақдим этади ҳамда ушбу савдо жараёни натижалари бўйича маълумотлар Давактив агентлиги томонидан белгиланган тартибда эълон қилинади.
Ўз навбатида, савдоларнинг биринчи босқичида ягона талабгор томонидан таклиф юборилганлиги ҳамда таклиф келиб тушмаганлиги сабабли савдоси ўтказилмаган дон корхоналаридаги давлат улуши ва дон корхоналари филиалларининг мулкий мажмуалари бўйича “E-auksion” электрон савдо платформаси орқали таклифларни қабул қилиш 15 кун муддатга узайтирилди.
