Онлайн аукционлар кўламини кенгайтириш назарда тутилган жуда яхши қарор қабул қилинипти. Бизнес эгалари ва бўлажак сармоядорлар учун жуда кўп енгилликлар кўзда тутилган. Бу аукционга киришдан тортиб, кейин ғолиблар мулк ҳуқуқини расмийлаштириш ва кафолатларгача бўлган жараёнларни ўз ичига олади.
Қарорнинг биттагина қуйидаги жойи ёқмади.
Унда "ер участкаларини электрон онлайн-аукционда сотиб олиб, қисқа муддат давомида ундан фойдаланмаган ҳолда уларнинг олди-сотдиси билан шуғулланаётган юридик ва жисмоний шахсларни таҳлиллар асосида аниқлаб, савдолардан белгиланган тартибда четлатиш чораларини кўриб борсин" дейилган.
Тижорий спекуляция, ҳатто аукцион орқали сотилган мулклар ва ер участкалари билан ҳам юз беради. Чунки аукционларда спекулятив капитал ҳам иштирок этади. Бунга қарши чеклов ё репрессия чоралари аукционларга қўйилаётган объектларга нисбатан талабгорлар ва таклифлар сонини қисқартиради холос. Аукционда сотиб олинган мулкдан қандай фойдаланиш давлат органларининг иши бўлмаслиги лозим - солиғини ундир, бўлди. Аукционда сотиб олинган мулкни истаса сотиб юбориш, истаса йўқ қилиб юбориши - мулк эгасининг мутлақ ҳуқуқи. Мулк ҳуқуқи яъни. Унга дахл этмаслик лозим.
@the_bakiroo
