Жорий йилнинг 27 май куни соат 18:00да Давактив агентлигида Тошкент шаҳар, Мирзо Улуғбек тумани, Шўртепа кўчаси, 2-уй манзилида жойлашган меҳмонхона бино ва иншоотларини сотиб олиш бўйича савдо жараёнларининг иккинчи босқичига ўтган талабгорлар томонидан “E-auksion” электрон савдо платформаси орқали электрон тарзда тақдим этилган тижорат таклифлари ошкора очилади.
Ушбу жараёнга Давлат тендер комиссияси аъзолари, талабгорлар ва оммавий ахборот воситалари вакиллари таклиф этилади. Шахсан қатнаша олмайдиган талабгорлар учун видеоконференц алоқа (ҳаволани (71) 259-22-91 рақам орқали олиш мумкин) воситаси орқали иштирок этиш имконияти яратилади.
Ишчи орган томонидан давлат активини сотиб олишга талабгорнинг нарх таклифи, тўловларни амалга оширишнинг муддатлари ва тўлов қобилиятининг етарлилиги ўрганилади ҳамда натижаси бўйича ҳисобот тайёрланади.
Давлат тендер комиссиясининг савдонинг иккинчи босқичи якунлари бўйича қарори Давактив агентлигининг расмий веб-сайти ва ижтимоий тармоқлари орқали эълон қилинади.
