Ўзбекистондаги хусусийлаштириш жараёнларига тегишли асосий тезислар:
Ўзбекистонда хусусийлаштириш ҳали ҳам қўллаб-қувватланмоқда. Лотин Америкасида 1990 йилларнинг охирида, Вашингтон консенсуси даврида, хусусийлаштириш ёмон обрўга эга бўлган, "deregulation" каби сўзлар билан бирга тарқалган ва йўқ бўлиб кетган. Лекин Марказий Осиёда хусусийлаштиришга нисбатан жамоатчиликнинг норозилиги кузатилмаяпти.
Венгриянинг ОТП банки “Ипотека-банк” АТИБни 2022 йилда сотиб олди. Ўзбекистон Республикаси Давлат активларини бошқариш агентлиги (Давактив агентлиги) 2021 йилда маҳаллий Coca-Cola франшизасининг 57 фоиз улушини Туркиянинг “Coca-Cola Icecek” компаниясига сотди.
Шунингдек, Давактив агентлиги 2016-йилда очилган ва 2022-йилда Абу-Даби тараққиёт жамғармаси томонидан сотиб олинган Тошкентдаги “Hyatt” меҳмонхонасидаги давлат улушини сотган, Сингапурнинг “Индорама” конгломерати эса Ўзбекистондаги энг йирик ўғит ишлаб чиқарувчи “Қўқон суперфосфат”ни 2019 йилда давлат иштирокидан олиб чиққан.
Хусусийлаштиришнинг навбатдаги тўлқини “Халқчил IPO” деб номланди. Ҳукумат акциялар орқали маҳаллий чакана инвесторларга кенг турдаги компанияларнинг кичик акцияларини (умумий капиталнинг 2 фоизигача) сотишни режалаштирмоқда. Ўзбекистоннинг олтин кони “Навоий КМК” ва мис ишлаб чиқарувчи “Олмалиқ КМК” корхоналари маҳаллий чакана инвесторларга улушларини таклиф қилиш рўйхатида. “Булар жаҳон даражасидаги активлар. Бизнинг халқаро инвестор мижозларимиз ушбу акцияларни фақат иккиламчи бозордагина сотиб олишларига имкон бўлса керак” - дейилади матнда.
Шавкат Мирзиёевнинг март ойида эълон қилинган янги хусусийлаштириш режаси турли ҳудудларда 1000 та давлат корхоналарини, 1500 акр ер майдонларини ва 920 минг квадрат метрдан ортиқ кўчмас мулкларни сотишни назарда тутади.
