Ўзбекистон Республикаси Президентининг жорий йил 24 майдаги Фармонига биноан таъсис этилган ва 23 августдаги Фармонига мувофиқ, мустақиллигимизнинг 30 йиллиги байрами арафасида бир гуруҳ юртдошларимиз қатори Давлат активларини бошқариш агентлиги марказий аппаратининг 26 нафар ходимлари “Ўзбекистон Республикаси мустақиллигининг 30 йиллиги” эсдалик нишони билан тақдирландилар.      

Шу муносабати билан бугун Давлат активларини бошқариш агентлигида Мустақиллик байрами муносабати билан ўтказилган тадбирда «Ўзбекистон Республикаси мустақиллигининг 30 йиллиги» эсдалик нишонлари Ўзбекистон Республикаси Президенти номидан тантанали вазиятда топширилди.

Тадбирда Агентлик директори Акмалхон Ортиков барчани энг улуғ, энг азиз айём – Мустақиллигимизнинг 30 йиллиги байрами билан қутлаб, эсдалик нишон соҳибларини халқимиз ва Президентимизнинг юксак эътирофига сазовор бўлганликлари билан самимий муборакбод этиб мамлакатимизда амалга оширилаётган улкан бунёдкорлик, чуқур таркибий ислоҳотлар, иқтисодиётни модернизация ва диверсификация қилиш, умуман олганда – Янги Ўзбекистонни барпо этишдаги саъй-ҳаракатларида муваффақиятлар тилади.

 Шу билан бирга, бир қатор фаол ва меҳнатсевар ходимларга Ўзбекистон мустақиллигининг 30 йиллиги арафасида Давлат активларини бошқариш агентлигининг Фахрий ёрлиғи билан тақдирландилар.

Эсдалик нишон ва Фахрий ёрлиқ соҳибларига Агентлик номидан бадиий адабиёт – китоб совға қилинди.

Тақдирланганлар номидан сўзга чиққанлар камтарона меҳнатларини юқори баҳолаб, шундай эътирофга муносиб кўрганлари учун Президентимизга чуқур миннатдорлик ва шукроналик билдирдилар.