Аввал маълум қилинганидек, Ўзбекистон Республикаси Вазирлар Маҳкамасининг 2022 йил 4 ноябрдаги 647-сон қарорига асосан Давактив агентлиги томонидан 2023 йил 20 апрель куни Давактив агентлиги иштирокидаги 61 та корхоналарнинг кузатув кенгаши таркибига давлат улуши бўйича 306 нафар аъзолик ўринларига танлов ўтказилди.

Номзодларни саралаш жараёнида олий маълумотли, корпоратив бошқарувчи малака аттестатига эга, камида 2 йиллик иш тажрибасига эга бўлган шахслар, уларнинг малакаси, амалий тажрибаси, қонунчиликка оид, хусусан корпоратив соҳасидаги билимга эга бўлган номзодлар заруратга кўра суҳбатдан ўтказилиб, танлаб олинди.

Танловда иштирок этиш учун талабгорлардан 758 та (2,5 баробар кўп) аризалар келиб тушган, шундан, 179 таси малака талабларига мос келмаганлиги сабабли рад этилган ва 579 таси қабул қилинган.

Малака талабларига мос келган 579 та номзодларнинг аризалари ичидан:

• 21 та корхоналарнинг 105 та аъзолик ўринларига келиб тушган 331 аризалардан 61 нафар номзодлар танлаб олинди (танлов натижалари номзодларнинг шахсий кабинетларига юборилди);
• 40 та корхоналарнинг 201 та аъзолик ўринларига 248 та аризалар топширилганлиги, лекин ҳар бир аъзолик ўрнига камида 2 нафар номзодлардан аризалар келиб тушмаганлиги сабабли ушбу 40 та корхоналарнинг 201 нафар аъзолик ўринларига танлов муддати жорий йил 23 июнга қадар узайтирилди.
• 21 та корхоналарнинг кузатув кенгаши таркибига давлат улуши бўйича танлаб олинган 105 нафар номзодларни акциядор (таъсисчи)лар умумий йиғилишига тавсия этиш ва кузатув кенгашлари таркибига киритиш бўйича давлат иштирокидаги корхоналарга таклифлар юборилди.