Тегишли хусусийлаштириш дастурларига мувофиқ Давлат активларини бошқариш агентлигининг Тошкент шаҳар ҳудудий бошқармаси томонидан Тошкент шаҳри, Мирзо Улуғбек тумани, Яҳё Ғуломов кўчасидаги 32.14 сотих ер майдонида жойлашган бино ва иншоотлар сотувга қўйилди. Савдолар электрон-онлайн аукцион шаклида “E-auksion” электрон савдо платформаси орқали амалга оширилади.
Объектда жойлашган бино ва иншоотларнинг умумий майдони 3157 квадрат метрни ташкил этади. Объект электр, газ, сув ва оқава сувга уланган.
Объектнинг бошланғич нархи – 30,7 млрд.сўм. Аризалар жорий йил 16 май 09:00га қадар қабул қилинади. Аукцион савдолари жорий йил 16 май куни 10:00да бўлиб ўтиши режалаштирилган.
Мазкур давлат активи Ахборот технологиялари ва коммуникацияларини ривожлантириш вазирлигининг тегишли тизими ташкилотлари Тошкент шаҳар Мирзо Улуғбек туманида жойлашган Дастурий маҳсулотлар ва ахборот технологиялари технологик парки (IT-парк) ҳудудида инвестиция лойиҳаларини амалга ошириш ҳисобига барпо этилаётган замонавий бино ва иншоотларга кўчиб ўтиши сабабли савдога қўйилган ва сотишдан тушадиган маблағлар, мазкур бино-иншоотлар қурилишига йўналтирилади.
Давлат активи тўғрисида қўшимча маълумотлар:
- Лот рақами: 1783534;
- Закалат пули миқдори (5%): 1,5 млрд.сўм.
