Ўзбекистон Республикаси Президентининг 2022 йил 18 мартдаги ПҚ-168-сон қарори ижроси доирасида хусусийлаштирилиши белгиланган дон корхоналаридаги давлат улуши ва дон корхоналари филиаллари мулкий мажмуалари бўйича савдо жараёнларининг биринчи босқичида талабгорлардан “E-auksion” электрон савдо платформаси орқали электрон кўринишда таклифлар қабул қилинган.
Шунга кўра, жорий йилнинг 8 июнь куни соат 16:00да Давактив агентлигида кўриб чиқиш учун етарли таклиф шаклланган давлат активлари бўйича савдо жараёнларининг биринчи босқичидаги талабгорларнинг электрон кўринишдаги таклифлари очилади.
Ушбу жараёнга Давлат активларини хусусийлаштириш ва хусусийлаштириш жараёнларини мувофиқлаштириш давлат комиссияси (кейинчалик – Хусусийлаштириш Давлат комиссияси) аъзолари, талабгорлар ва оммавий ахборот воситалари вакиллари таклиф этилади, шунингдек шахсан қатнаша олмайдиган талабгорлар учун видеоконференц алоқа воситаси орқали иштирок этиш имконияти яратилади.
Давлат активлари бўйича савдо жараёнларининг биринчи босқичида таклиф юборган ҳар бир талабгорга Ишчи орган томонидан индивидуал хабар йўлланган.
Ишчи орган ўз ҳисоботини тайёрлаб, Хусусийлаштириш Давлат комиссиясига кўриб чиқиш учун тақдим этади ва биринчи босқич якунлари бўйича маълумотлар Давактив агентлиги томонидан белгиланган тартибда эълон қилинади.
Ўз навбатида, савдоларнинг биринчи босқичида ягона талабгор томонидан таклиф юборилганлиги ҳамда таклиф келиб тушмаганлиги сабабли савдоси ўтказилмаган дон корхоналаридаги давлат улуши ва дон корхоналари филиалларининг мулкий мажмуалари “E-auksion” электрон савдо платформаси орқали 15 кун муддатга такрорий савдоларга чиқарилади.
Такрорий оммавий савдоларга чиқариладиган дон корхоналаридаги давлат улуши ва дон корхоналари филиаллари мулкий мажмуалари
РЎЙХАТИ
Т/р |
Давлат активининг номи |
Жойлашган ҳудуди |
Давлат улуши (%) |
Дон корхоналаридаги давлат улуши |
|||
1. |
“Қорақалпоқдонмаҳсулотлари” АЖ |
Қорақалпоғистон Республикаси, |
80,2 |
2. |
“Конират ун заводи” АЖ |
Қорақалпоғистон Республикаси, Қунғирот тумани |
95,6 |
3. |
“Асака дон маҳсулотлари”АЖ |
Андижон вилояти, |
65,8 |
4. |
“Когондонмаҳсулотлари” АЖ |
Бухоро вилояти, |
93,0 |
5. |
“Дўстликдонмаҳсулотлари” АЖ |
Жиззах вилояти, |
90,2 |
6. |
“Қизилтепа ун заводи” АЖ |
Навоий вилоят, |
93,5 |
7. |
“Ховос дон маҳсулотлари” АЖ |
Сирдарё вилояти, |
94,2 |
8. |
“Сурхондарёдонмаҳсулотлари” АЖ |
Сурхондарё вилояти, |
88,5 |
9. |
“Фарғонадонмаҳсулотлари” АЖ |
Фарғона вилояти, |
51,0 |
10. |
“Қўқон дон маҳсулотлари” АЖ |
Фарғона вилояти, |
64,3 |
Дон корхоналари филиаллари мулкий мажмуалари |
|||
11. |
"Қўнғирот ун заводи" АЖнинг "Қанликўл гуриш" филиали |
Қорақалпоғистон Республикаси, |
мулкий мажмуа |
12. |
“Косон дон маҳсулотлар қабул қилиш” МЧЖнинг "Муборак дон" филиали |
Қашқадарё вилояти, |
мулкий мажмуа |
13. |
“Косон дон маҳсулотлар қабул қилиш” МЧЖнинг “Ғузор ун" филиали |
Қашқадарё вилояти, |
мулкий мажмуа |
14. |
“Сурхондарёдонмаҳсулотлари” АЖнинг "Алпомиш ун тегирмон" филиали |
Сурхондарё вилояти, |
мулкий мажмуа |
15. |
“Фарғонадонмаҳсулотлари” АЖнинг "Марғилон дон" филиали |
Фарғона вилояти, |
мулкий мажмуа |