Давлат активларини бошқариш агентлигида Франция тараққиёт агентлигининг “Иқтисодий бошқарувни такомиллаштириш лойиҳаси” доирасида, “Expertise France”агентлиги (Франция) эксперти билан учрашув ўтказилди.
Унда Давактив агентлигининг инсон ресурслари ва ходимлар салоҳиятини ривожлантириш бошқармаси масъуллари ва “Expertise France” агентлиги бош менежери иштирок этди.
Мулоқотда инсон ресурсларини бошқариш сиёсати соҳасидаги ҳамкорликнинг йўналишлари белгилаб олинди, жумладан:
- Агентлик ходимларининг малакасини ошириш;
- ходимларни бошқариш стратегиясини ишлаб чиқиш;
- Агентлик ходимлари самарадорлигини баҳолаш кўрсаткичларини ишлаб чиқиш.
Бугунги кунда Давактив агентлиги ходимлари учун Франция тараққиёт агентлиги экспертлари томонидан корпоратив бошқарув, хусусийлаштириш ва молиявий ҳисоботнинг халқаро стандартларини жорий этиш йўналишларида семинарлар ўтказилган.
Учрашув якуни бўйича томонлар белгиланган вазифалар ижроси юзасидан мунтазам мулоқот қилишга келишиб олдилар.
