Давлат мулкини ижарага олиш:
Давлат мулкини ижарага олиш учун юридик ва/ёки жисмоний шахслар аввал ижарага таклиф этилаётган давлат мулки объектлари рўйхати билан (https://e-auksion.uz/lots?1 ва/ёки https://privatization.davaktiv.uz/uz/rentlists) Давлат активларини бошқариш агентлиги ҳамда “E-ijro auksion” электрон онлайн аукционларни ташкил этиш марказининг расмий веб-сайтлари орқали танишиб чиқишлари;
Танишиб чиқиш натижасида танланган объектни ушбу объект бўйича ўтказиладиган онлайн электрон аукцион савдоларида (https://e-auksion.uz) иштирок этишлари;
Танланган объект бўйича ўтказилган электрон онлайн аукцион танлов савдосида ғолиб бўлишлари лозим.
Маълумот учун: Ўтказилган аукцион танлов савдоларида ғолиблик баённомасини қўлга киритган юридик/жисмоний шахс билан ижара шартномаси икки томонлама Ижарага берувчи ва Ижарага олувчи ўртасида электрон кўринишда расмийлаштирилади.
Давлат мулкини ижарага олиш шартлари ва ижарага олувчининг ҳуқуқ ва мажбуриятлари:
Давлат мулкини ижарага олган ижарачиларнинг ҳуқуқ ва мажбуриятлари давлат мулкини ижарага олиш бўйича икки томонлама электрон шаклда тузиладиган ижара шартномаси лойиҳаси орқали танишиб чиқишлари мумкин (https://e-auksion.uz/lots?1)
Ижара шартномасининг лойиҳаси (https://e-auksion.uz/lots?1) саҳифасидаги объект тўғрисида батафсил маълумотлар бўлимига бириктирилган.
Давлат мулкини ижарага олиш, ижарага олинган давлат мулкидан фойдаланиш томонларнинг ҳуқуқ ва мажбуриятлари, ижара тўловлари тўлаш муддатлари ва миқдорлари, форс-мажор ҳолатларида кўриладиган чоралар ва бошқалар билан
https://e-auksion.uz/lots?1 саҳифасидаги объект тўғрисида батафсил маълумотлар бўлимига бириктирилган ижара шартномасининг лойиҳаси орқали танишиб чиқишингиз мумкин.
Эслатма. Давлат мулкини ижарага олиш юзасидан қўшимча маъумотлар
ва тушунтиришлар олиш учун Давлат активларини бошқариш агентлиги ҳузуридаги
Бўш турган объектлардан самарали фойдаланишни ташкил этиш марказининг
71) 259-22-58 рақамига;
Давлат корхоналарини соғломлаштириш ва хусусийлаштириш Клиникаси “Call center”ининг 1082-сон қисқа рақамига орқали мурожаат қилишингиз мумкин.
Ижарага бериш учун таклиф этилаётган давлат мулки объектлари рўйхати Давлат активларини бошқариш агентлигининг (https://privatization.davaktiv.uz/uz/rentlists) ҳамда
“E-ijro auksion” электрон онлайн аукционларни ташкил этиш марказининг
(https://e-auksion.uz/lots?1) расмий веб-сайтларида жойлаштириб борилади.
Маълумот учун: юқорида келтирилган веб-сайтларга жойлаштириладиган ижарага таклиф этилаётган давлат мулки объектлари рўйхати доимий равишда онлайн янгилаб борилади.
Давлат мулкини ижарага бериш бўйича бошланғич нарх давлат мулкини электрон савдоларга қўйишда Вазирлар Маҳкамасининг 2009 йил 8 апрелдаги 102-сон қарори билан тасдиқланган низомнинг 9-бандида келтирилган тартибда ижарага берувчи томонидан белгиланади.
Ижарага бериладиган объектларнинг бошланғич йиллик нархлари ва ижара тўловининг энг кам ставкалари билан танишиш
Жорий йил учун белгиланган давлат мулкидан фойдаланганлик учун ижара тўловининг энг кам ставкалари билан Давлат активларини бошқариш агентлигининг davaktiv.uz расмий веб-сайти орқали ёки қуйидаги (https://davaktiv.uz/uz/deyatelnost-3/arenda-menu/minimalnye-stavki-arendnoj-platy-na-tekushchij-god) хавола орқали танишишингиз мумкин.
Ижарага берилиши таклиф этилаётган давлат мулки объектларининг бошланғич йиллик нархлари билан “Электрон онлайн савдоларни ташкил этиш маркази” ДУКнинг расмий веб сатида қуйидаги хавола (https://e-auksion.uz/lots?1) орқали танишиш мумкин.
Давлат мулкини ижарага беришдаги асосий тушунчалар
Давлат мулки - давлат корхоналари ва бюджет ташкилотлари балансидаги мол-мулк, шунингдек юридик шахсларнинг оммавий мулкни бошқарувчи ёхуд ваколатли давлат органи томонидан тасарруф этиш ҳуқуқисиз уларга берилган мол-мулк.
Ижарага берувчи — Давлат активларини бошқариш агентлиги ҳузуридаги Бўш турган объектлардан самарали фойдаланишни ташкил этиш марказининг Қорақалпоғистон Республикаси, вилоятлар ва Тошкент шаҳар ҳудудий бошқармалари;
балансда сақловчи — ижарага берилаётган давлат мулки унинг балансида ҳисобга олинган юридик шахс;
ижарага олувчи — белгиланган шартларда ва тартибда давлат мулки бўйича ижара шартномасини тузган юридик ёки жисмоний шахс;
“E-ijro auksion” электрон савдо майдончаси - давлат мулки объектларини ижарага бериш бўйича аукционлар ва танловларни ташкил этиш ва ўтказиш учун зарур бўлган ахборотни киритиш, сақлаш ва унга ишлов бериш имкониятини ҳамда манфаатдор шахсларнинг электрон онлайн-аукционлар (танловлар) жараёнларига бевосита кириш имкониятини таъминлайдиган электрон тизим.
