Давактив агентлигининг жорий йил 7 мартдаги “Чиноз нефтни қайта ишлаш заводи” МЧЖ устав капиталидаги 100 фоиз давлат улушини сотиб олиш бўйича танлов эълонига мувофиқ қуйидагилар маълум қилинади.
Давактив агентлиги савдо жараёнларида иштирок этаётган салоҳиятли талабгорларнинг cўровига мувофиқ, уларга активни яхшироқ ўрганиш ва малакавий тайёрланишига кўпроқ имконият яратиш, шунингдек сотиш жараёнларини янада шаффоф ва рақобат муҳитида ўтказиш мақсадида, барча манфаатдор томонлар ва салоҳиятли инвесторларга “Чиноз нефтни қайта ишлаш заводи” МЧЖ устав капиталидаги давлат улушини хусусийлаштириш жараёнининг Мажбуриятга эга бўлган таклифларни (BO) қабул қилиш босқичи 1 ой муддатга узайтирилганлигини маълум қилади.
Аввал маълум қилинганидек, Mosaic Financial компанияси ушбу Битим юзасидан Агентликнинг хусусийлаштириш бўйича маслаҳатчиси сифатида жалб қилинган.
Қўшимча маълумотлар билан қуйидаги ҳавола орқали танишишингиз мумкин.
