Давлат активларини бошқариш агентлигининг жорий йил 29 июнь куни чоп этилган эълонига мувофиқ, “битта акция - битта лот” тамойили асосида 40 та давлат корхоналарини акцияларини “Халқ IPO”си орқали савдосини ташкил этиш бўйича Андеррайтерларни жалб қилиш юзасидан танлов эълон қилинган.
Мазкур жараёнда иштирок этмоқчи бўлган томонларнинг саволларига аниқлик киритиш мақсадида барча талабгорлардан жорий йил 10 июль соат 18.00 (Тошкент вақти билан)га қадар, электрон почта манзили ва алоқа учун масъул шахсни аниқ кўрсатган ҳолда, қизиқтирган саволлари/изоҳларини қуйидаги алоқа каналлари орқали тақдим этишларини сўраймиз:
- Талъат Самандаров – Давлат активларини хусусийлаштиришга тайёрлаш бошқармаси бошлиғи
- Тел.: + 998-71-259-20-67;
- Эл.почта: tender@davaktiv.uz.
Савол/изоҳ йўллаган талабгорлар билан жорий йил 12 июль соат 16.00 (Тошкент вақти билан)да онлайн-муҳокама/мулоқот бўлиб ўтади.
Онлайн-муҳокама/мулоқотда қатнашиш учун ҳавола савол/изоҳ йўллаган ёки ушбу муҳокамада қатнашиш истагини билдирган талабгорларнинг электрон почталарига юборилади.
