Davlat aktivlarini boshqarish agentligining joriy yil 29-iyun kuni chop etilgan eʼloniga muvofiq, “bitta aksiya - bitta lot” tamoyili asosida 40 ta davlat korxonalarini aksiyalarini “Xalq IPO”si orqali savdosini tashkil etish boʻyicha Anderrayterlarni jalb qilish yuzasidan tanlov eʼlon qilingan.
Mazkur jarayonda ishtirok etmoqchi boʻlgan tomonlarning savollariga aniqlik kiritish maqsadida barcha talabgorlardan joriy yil 10-iyul soat 18.00 (Toshkent vaqti bilan)ga qadar, elektron pochta manzili va aloqa uchun masʼul shaxsni aniq koʻrsatgan holda, qiziqtirgan savollari/izohlarini quyidagi aloqa kanallari orqali taqdim etishlarini soʻraymiz:
- Talʼat Samandarov – Davlat aktivlarini xususiylashtirishga tayyorlash boshqarmasi boshligʻi;
- Tel.: + 998-71-259-20-67;
- El.pochta: tender@davaktiv.uz.
Savol/izoh yoʻllagan talabgorlar bilan joriy yil 12-iyul soat 16.00 (Toshkent vaqti bilan)da onlayn-muhokama/muloqot boʻlib oʻtadi.
Onlayn-muhokama/muloqotda qatnashish uchun havola savol/izoh yoʻllagan yoki ushbu muhokamada qatnashish istagini bildirgan talabgorlarning elektron pochtalariga yuboriladi.
