Аввал маълум қилинганидек, Ўзбекистон Республикаси Вазирлар Маҳкамасининг 2022 йил 4 ноябрдаги 647-сон қарорига мувофиқ, Давактив агентлиги иштирокидаги 40 та корхоналарнинг кузатув кенгаши таркибига давлат улуши бўйича 201 нафар аъзолик ўринларига танлов эълон қилинган эди.

Танловда иштирок этиш учун 605 та талабгорлардан аризалар келиб тушган, шундан, 139 таси малака талабларига мос келмаганлиги сабабли рад этилган ва 466 таси қабул қилинган.

Малака талабларига мос келган 466 та номзодларнинг аризалари ичидан:

• 18 та корхоналарнинг 99 та аъзолик ўринларига келиб тушган 281 та аризалардан 99 нафар номзодлар танлаб олинди (танлов натижалари номзодларнинг шахсий кабинетларига юборилди);
• 21 та корхоналарнинг 97 та аъзолик ўринларига 185 та аризалар топширилганлиги, лекин ҳар бир аъзолик ўрнига камида 2 нафар номзодлардан аризалар келиб тушмаганлиги сабабли ушбу 21 та корхоналарнинг 97 нафар аъзолик ўринларига танлов муддати жорий йил 9 сентябрга қадар узайтирилди;
• 1 та корхонанинг, яъни “Ўрта Осиё транс” АЖ устав капиталидаги давлат улуши сотилганлиги сабабли 5 та аъзолик ўринларига эълон қилинган танлов тўxтатилди.

Номзодларни саралаш жараёнида олий маълумотли, корпоратив бошқарувчи малака аттестатига эга, камида 2 йиллик иш тажрибасига эга бўл шахслар, уларнинг малакаси, амалий тажрибаси, қонунчиликка оид, хусусан корпоратив соҳасидаги билимга эга бўлган номзодлар заруратга кўра суҳбатдан ўтказилиб, танлаб олинди.

18 та корхоналарнинг кузатув кенгаши таркибига давлат улуши бўйича танлаб олинган 99 нафар номзодларни акциядор (таъсисчи)лар умумий йиғилишига тавсия этиш ва кузатув кенгашлари таркибига киритиш бўйича давлат иштирокидаги корхоналарга таклифлар юборилди.