Тегишли хусусийлаштириш дастурига мувофиқ, “Деҳқонобод калий заводи” АЖнинг (кейинги ўринларда – Жамият) устав капиталидаги 100 фоиз давлат улушини хусусийлаштириш белгиланган.
Шунингдек, хусусйлаштириш жараёнларини муваффақиятли ташкиллаштириш ҳамда Жамиятнинг инвестицион жозибадорлигини янада ошириш мақсадида, Жамиятнинг Тюбегатан калийли туз конларини халқаро тан олинган JORC-2012 стандартларига мувофиқ минерал ресурслар (захиралар)ни баҳолаш белгиланган.
Шунга кўра, Жамиятнинг Тюбегатан калийли туз конларини JORC-2012 стандартларига мувофиқ баҳолашдан ўтказишда услубий таъминлаш бўйича “DMT group” (Германия) халқаро инжиниринг компанияси жалб қилинган.
Давактив агентлиги “DMT group” халқаро инжиниринг компанияси билан ҳамкорликда ишлаб чиқилган техник топшириққа мувофиқ, минерал ресурслар ва захираларни баҳолаш ҳамда ишланмаларнинг JORC-2012 кодекси талабларига мувофиқ техник-иқтисодий асосларини ишлаб чиқиш бўйича геологик қидирув ишларини ўтказиш учун инжиниринг компаниясини жалб қилиш юзасидан "UzEx tender" электрон савдо тизимида тендер эълон қилинди.
Ушбу ҳавола орқали мазкур тендерда иштирок этиш тартиби, иштирокчиларга қўйилган талаблар ва аризаларни қабул қилиш муддатлари бўйича батафсил танишишингиз мумкин.
