Давактив агентлигининг жорий йил 14 сентябрдаги “Lotte City Hotel Tashkent Palace” меҳмонхонасини (Меҳмонхона) хусусийлаштириш жараёнларининг мажбуриятга эга бўлмаган таклифларни (NBO) қабул қилиш босқичи юзасидан берилган эълонига мувофиқ қуйидагилар маълум қилинади.
Давактив агентлиги ушбу босқичда иштирок этаётган кўплаб талабгорларнинг мурожаатларига асосан ҳамда хусусийлаштириш бўйича халқаро консультант KPMG компаниясининг тавсиясига мувофиқ Меҳмонхонани сотиб олиш нархи бўйича индикатив мажбуриятга эга бўлмаган таклифларини (NBO) тақдим этиш муддати 2022 йилнинг 14 октябрь куни соат 18:00 га (Тошкент вақти билан) қадар узайтирилганлигини маълум қилади.
Мажбуриятга эга бўлмаган таклифларни қабул қилиш муддатининг узайтирилиши барча талабгорлар томонидан Меҳмонхонанинг хўжалик ва молиявий фаолиятини чуқур ўрганишга ҳамда таклифларни тайёрлашга имконият яратишга, шунингдек сотиш жараёнларини янада рақобат муҳитида ўтказишга қаратилган.
Меҳмонхонани хусусийлаштириш жараёнларининг мажбуриятга эга бўлмаган таклифларни (NBO) қабул қилиш босқичи тўғрисидаги аввал чоп этилган эълоннинг қолган барча бандлари ўзгаришсиз қолмоқда.
Қўшимча маълумотлар билан қуйидаги ҳавола орқали танишишингиз мумкин.
