305 ta lot onlayn auksion va ochiq elektron tanlovga chiqarildi. Shuningdek, boshlang'ich narxi 15,6 mlrd so'm bo'lgan 218 ta lot 18,1 mlrd so‘mga realizatsiya qilindi.
Davlat aktivlari:
- Soni 1 ta
- Boshlang‘ich narxi 3,3 mlrd so‘m
- Sotilgan narxi 4 mlrd so‘m
Toshkent shahri Uchtepa tumanida joylashgan boshlang'ich narxi 3,3 mlrd so‘m bo‘lgan “Toshkent shahar dori-darmon” AJ balansidagi noturar joy bino-inshootlar (dorixona) 4 mlrd so‘mga sotildi.
Davlat aktivlari ijarasi:
- Soni 10 ta
- Boshlang‘ich narxi 93,9 mln so‘m
- Sotilgan narxi 103,4 mln so‘m
Toshkent shahri Chilonzor tumanida joylashgan boshlang'ich yillik ijara stavkasi 38,2 mln so‘m bo‘lgan “Yangi texnologiyalar” ilmiy-axborot markazi DUK balansidagi bino qismi 42 mln so‘mga ijaraga berildi.
Yer uchastkalari:
- Soni 40 ta
- Boshlang'ich narxi 541,4 mln so‘m
- Sotilgan narxi 1,1 mlrd so‘m
- Yer maydoni 1,2 ga
Farg‘ona viloyati O‘zbekiston tumanidan boshlang'ich narxi 101,7 mln so‘m bo‘lgan oshxona, kafelar va savdo uylari qurish uchun 13 sotix yеr uchastkasi 111,9 mln so‘mga sotildi.
Qashqadaryo viloyati Ko‘kdala tumanidan boshlang'ich narxi 16,6 mln so‘m bo‘lgan oshxona, kafelar va savdo uylari qurish uchun 2 sotix yеr uchastkasi 71,2 mln so‘mga sotildi.
Ko'chma savdo joylari:
- Soni 110 ta
- Boshlang'ich narxi 22,2 mln so‘m
- Sotilgan narxi 217 mln so‘m
Qishloq xo'jaligi yerlari ijarasi:
- Soni 15 ta
- Yer maydoni 222 ga
- Normativ qiymati bo'yicha ijara summasi 633 mln so’m
- G'oliblar tomonidan olingan qo'shimcha to'lov majburiyati 1,9 mlrd so'm
O'tkazilgan savdolarda 872 nafar yuridik va jismoniy shaxslar qatnashdi.
Hozirda, narxi 9,1 trln so'm bo'lgan 130 137 ta lot savdoga qo'yilgan.
