Oʻzbekiston Respublikasi Prezidentining 2022-yil 18-martdagi PQ-168-son qarori ijrosi doirasida xususiylashtirilishi belgilangan don korxonalaridagi davlat ulushi boʻyicha savdo jarayonlarining birinchi bosqichida talabgorlardan “E-auksion” elektron savdo platformasi orqali elektron koʻrinishda takliflar qabul qilingan.

Shunga koʻra, joriy yilning 23 iyun kuni soat 16:00da Davaktiv agentligida koʻrib chiqish uchun yetarli taklif shakllangan davlat aktivlari boʻyicha savdo jarayonlarining birinchi bosqichidagi talabgorlarning elektron koʻrinishdagi takliflari ochiladi.

Ushbu jarayonga Davlat aktivlarini xususiylashtirish va xususiylashtirish jarayonlarini muvofiqlashtirish davlat komissiyasi (keyinchalik – Xususiylashtirish Davlat komissiyasi) aʼzolari, talabgorlar va ommaviy axborot vositalari vakillari taklif etiladi, shuningdek shaxsan qatnasha olmaydigan talabgorlar uchun videokonferens aloqa vositasi orqali ishtirok etish imkoniyati yaratiladi.

Davlat aktivlari boʻyicha savdo jarayonlarining birinchi bosqichida taklif yuborgan har bir talabgorga Ishchi organ tomonidan individual xabar yoʻllangan.

Ishchi organ oʻz hisobotini tayyorlab, Xususiylashtirish Davlat komissiyasiga koʻrib chiqish uchun taqdim etadi va birinchi bosqich yakunlari boʻyicha maʼlumotlar Davaktiv agentligi tomonidan belgilangan tartibda eʼlon qilinadi.

Oʻz navbatida, savdolarning birinchi bosqichida yagona talabgor tomonidan taklif yuborilganligi hamda taklif kelib tushmaganligi sababli savdosi oʻtkazilmagan don korxonalaridagi davlat ulushi va don korxonalari filiallarining mulkiy majmualari “E-auksion” elektron savdo platformasi orqali 15 kun muddatga takroriy savdolarga chiqariladi.

Takroriy ommaviy savdolarga chiqariladigan don korxonalaridagi davlat ulushlari
ROʻYXATI