Davlat aktivlarini boshqarish agentligi jamoasi nomidan Sizni Yangi 2023 yil bilan samimiy qutlaymiz!
Yurtimizda xususiylashtirish jarayonlariga oshib borayotgan e’tibor, bu yo’nalishdagi islohotlar, jarayonlarning ochiqligi va shaffofligi, mulkdorlar soni xalqimiz orasida ko’payib borayotgani davlat Rahbarining O’zbekiston xalqiga Murojaatnomasida “Mening katta niyatim - yurtdoshlarimiz orasida yuz minglab mulkdorlar, aksiyadorlar paydo bo’lsin” va “Xalq boy bo’lsa, davlat ham boy va qudratli bo’ladi” so’zlari orqali o’z tasdig’ini topdi.
Aziz hamkasblar va yurtdoshlar, xalq va davlat manfaatlari yo‘lida amalga oshirilayotgan samarali mehnatlaringiz yurt taraqqiyotiga xizmat qilishida tilakdoshmiz.
Yangi yilda Sizga baxt-saodat, mustahkam sog‘lik va ulkan muvaffaqiyatlar yor bo‘lsin.
Yangi 2023 yil bilan barchalaringizni samimiy muborakbod etamiz!