O‘zbekiston Respublikasi Vazirlar Mahkamasining “O‘zbekiston Respublikasi Hukumatining ayrim qarorlariga baholovchilarga toifalar berish bo‘yicha davlat xizmatlarini ko‘rsatish tizimini takomillashtirishga qaratilgan o‘zgartirish va qo‘shimchalar kiritish to‘g‘risida”gi 2022 yil 4 oktyabrdagi 564-sonli qarori qabul qilinib, unga muvofiq:
- baholovchilar toifa guvohnomalarini olish uchun joylardagi Davlat xizmatlari markazlari yoki Yagona interaktiv davlat xizmatlari portali orqali arizalar (xujjatlar to‘plami) taqdim etishi;
- Davaktiv agentligi talabgorlarga oid tegishli ma'lumotlarni vazirlik va idoralar bilan integratsiya qilingan elektron tizim orqali so‘rab olishi;
- birinchi marta baholovchi toifasini olish maqsadida hujjatlarini topshirgan talabgorlar uchun baholash to‘g‘risidagi hisobotlar bo‘yicha ekspert xulosalarining mavjudligi talabi qo‘llanilmasligi;
- talabgorlar tomonidan hujjatlar to‘plami to‘liq taqdim etilmagan holat aniqlanganda, ularga o‘n ish kuni ichida kamchiliklarni bartaraf etish va yetishmayotgan hujjatlarni qayta taqdim etish imkoniyati berilishi;
- baholovchilarga toifa berishda byurokratik to‘siqlarni bartaraf etish va qog‘oz ishini qisqartirish maqsadida toifa guvohnomalari QR-kod orqali rasmiylashtirilishi va ularni davlat xizmatlari orqali berilishi yo‘lga qo‘yildi.
Mazkur qarorning to‘liq matni bilan quyidagi havola orqali tanishishingiz mumkin.